என்னமோ தோணிச்சு ...!!!

அடிவானம் கருத்து,

சில்லினு காத்து

அப்பவோ இப்பொவோ-னு

முட்டிகிட்டு நிக்குது மழை


வேலிக்கருவை-ல பச்சை காய்,

குட்டி செவலை ஆடு

கம்மா கரை,

கைல புளி மாங்கா - கொஞ்சம் உப்பு.


கோல்கேட் பல்பொடி,

அம்மங் குளத்து குடி தண்ணி,

ஆலடையான் பொட்டல்ல கிட்டி-புல்லு


மார்கழி குளிரு,

வாசல்ல பரங்கி-பூ கோலம்

பெருமாள் கோயில் புளியோதரை


பலாப்பழ வாசனை,

பீம புஷ்டி ஹல்வா

ஊர்ல திருவிழா


ராத்திரி நேரத்து ரயில்வண்டி

சன்னலோரம்,

நினைவுச் சுமை,

துணைக்கு தனிமை.